Топ-100
Back

ⓘ میکس پلانک جرمن فزکس دا اک گرو سی۔ اودی کوانٹم تھیوری دی وجہ توں اونوں 20ویں صدی دے سب توں منے پرمنے سینسداناں چوں اک منیاں جاندا اے۔ اونوں 1918 چ فزکس وچ نوبل ..



                                               

میکس پلانک سوسائیٹی

میکس پلانک سوسائیٹی جرمنی دی اک سوسائیٹی اے۔ اے سرکاری نیں تے ناں ای اے نفے تے چلدی اے۔ اے جرمن کھوجی اداریاں دا اک جٹ اے۔ اینوں جرمن سرکار تے جرمنی دے 16 صوبے پیسے دیندے نیں۔ میکس پلانک سوسائیٹی دے 80 دے نیڑے ادارے لوکاں دے فیدے لئی سائینس سماجی سائینس آرٹس تے ہیومینیٹیز چ مڈلے ناپ تے کھوج کردے نیں۔ ایناں کول 13000 دے نیڑے پکے ملازم نیں جیدے چ 4700 سائینس گرو نیں تے ایدے نال 11000 دے نیڑے گجے یا پرونے کم کرن والے نیں۔ سوسائیٹی دا 2006 دا بجٹ 1۔4 بلین یورو سی۔ میکس پلانک سوسائیٹی نے اپنی اکھ سائینس چ ودیا کم تے رکھی اے۔ ایسی لئی سوسائیٹی دے سائنس داناں نیں 32 نوبل انعام وی جتے ہوۓ نیں۔

                                               

جیمز کک

جیمز کک برطانیہ دا اک کھوجی تے نقشے بنان والا سی۔ جیمز کک یارکشائر، انگلینڈ دے اک پنڈ مارٹن چ 7 نومبر 1728 نوں جمیا۔ کک اٹھ پعین پعراواں چوں دوجے نمبر تے سی۔ اودا پیو اک سکاٹ کھیت مزدور جیمز کک تے ماں یارکشائر دی گریس پیس سی۔ 1741 چ 5 ورے سکول جان مگروں اودے پیو نے اونوں وائی بیجی تے لادتا۔ 1747 چ اوہ اک سمندری جعاز تے چلا گیا۔ جعاز تے کم کردیاں ہویاں اونے الجبرا جمیٹری تے ہور رلدیاں سائینسان پڑھیاں۔ 1752 چ اونے مال ٹعون والے جعاز تے کم کیتا۔ ست ورہ لڑائی باجون اونے 1755 چ اوہ سمندری فوج چ چلا گیا۔ اکتوبر نومبر 1755 چ اونے اک فرانسیسی جیعاز تے مل مارن تے دوجے نوں ڈبون چ حصہ لیا۔ کینیڈا چ ہ ...

                                               

لیگو

دی لیزر اینٹرفیرومیٹر گریویٹیشنل ویو آبزرویٹری یعنی لیگو رصد گاہ) وڈے پیمانے اُتے طبعیات دے تجربات کرنے تے تجاذبی لہراں دے مشاہدے د‏‏ی رصدگاہ ا‏‏ے۔ اس د‏ی بنیاد 1992ء وچ کِپ سیرن تے رونلڈ ڈریور تے رائنر وائیز نے رکھی۔ لیگو ایم آئی ٹی، کالٹیک تے بہت ساری ہور یونیورسٹیاں تے کالجاں دے سائنس داناں دا مشترکہ منصوبہ ا‏‏ے۔ اس منصوبے وچ سائنس داناں د‏‏ی شمولیت تے ڈیٹا دے تجزیے دے لئی لیگو سائنسی تعاون نامی ادارہ ذمہ دار ا‏‏ے۔ اس تعاون وچ دنیا بھر تو‏ں 900 تو‏ں زیادہ سائنس دان تے 44٫000 متحرک Einstein Home صارفین نيں۔ لیگو دے اخراجات نیشنل سائنس فاؤنڈیشن دے ذمے نيں تے ہور معاونت کنندہ یو دے سائنس ا ...

                                               

سائنس تے ٹیکنالوجی وچ قابل ذکر پاکستانی سوانیاں

ثانیہ نشتر د‏‏ی پیدائش 16 فروری 1963 نو‏‏ں ہوئی ۔ اوہ اک پاکستانی معالجہ مراض قلب تے مصنفہ نيں جو وفاقی وزیر ، تے بی آئی ایس پی چیئرپرسن د‏‏ی حیثیت تو‏ں وزیر اعظم پاکستان دے لئی غربت دے خاتمے تے سماجی تحفظ تو‏ں متعلق موجودہ معاون نيں۔ اس تو‏ں پہلے ، انہاں نے صحت عامہ ، تعلیم تے سائنس د‏‏ی نگرانی کردے ہوئے 2013 وچ عبوری وفاقی کابینہ وچ خدمات انجام دتیاں۔ ثانیہ نشتر نے یوروگوئے ، فن لینڈ تے سری لنکا دے صدر دے نال نان مواصلا‏تی امراض تو‏ں متعلق ڈبلیو ایچ او دے اعلیٰ سطحی کمیشن د‏‏ی سربراہی وی د‏‏ی اوہ صحت د‏‏ی دیکھ بھال دے مستقب‏‏ل دے بارے وچ ورلڈ اکنامک فورم د‏‏ی عالمی ایجنڈا کونسل د‏‏ی رکن ...

میکس پلانک
                                     

ⓘ میکس پلانک

میکس پلانک جرمن فزکس دا اک گرو سی۔ اودی کوانٹم تھیوری دی وجہ توں اونوں 20ویں صدی دے سب توں منے پرمنے سینسداناں چوں اک منیاں جاندا اے۔ اونوں 1918 چ فزکس وچ نوبل انعام دتا گیا۔

میونخ تے برلن توں پڑھن مگروں 1885 وچ کیل بلاوے تے گیا تے اوتھوں برلن گیا۔ دسمبر 1900 وچ اوہنے سائینسی دنیا نوں اک دلیر سوچ نال حیران کردتا جے چانن چھل دی انرجی لگاتار آن دے بجاۓ گٹھاں وچ نکلدی اے جنہاں نوں اوہنے کوانٹا دا ناں دتا۔ میکس پلانک دی ایہ سوچ اک نویں سائینس دا مڈھ رکھدی اے تے ایہ پرانی کلاسیکی سائینس توں وکھ سی۔ ایس دی نیو تے آئینسٹائن، نیلز بوہر تے ہور سینسدان اپنیاں سوچاں دی نیو رکھدے نیں تے اک نویں دنیا دا بوآ کھلدا اے۔

                                     

1.1. جیون جم پل

میکس پلانک اک پڑھے لکھے ٹبر چ جمیا۔ اودے دادا تے پردادا گوٹنگن یونیورسٹی چ پروفسر سن تے اودا پیو کیل تے میونخ چ قنون دا پروفیسر سن تے اوہدا چاچا جج سی۔ میکس پلانک 23 اپریل 1858 نوں کیل، ہولسٹائن، جرمنی چ جمیا۔ اوہدے پیو دا ناں یولیس ولہلم پلانک تے ماں دا ناں ایما پاٹزگ سی۔ اوہدی ماں اوہدے پیو دی دوجی ٹبری سی تے پہلے ویاہ توں اوہدے دو پین پرا سن۔ اوہدا پورا ناں کارل ارنسٹ لڈوگ مارکس پلانک سی پر اوہ جدوں دس ورے دا سی تے اوہنے اپنے ناں مارکس نوں پلٹ کے میکس کرلیا تے فیر ایہ ای چلیا۔ اوہ اپنے کعر چ 6واں جواک سی۔

                                     

1.2. جیون میونخ وچ پڑھائی:1867-1874

1867 چ اودا ٹبر میونخ آگیا تے اونے میکسیملن جمنیزیم سکول چ داخلہ لے لیا۔ اودے استاد ہرمن ملر نے اودے اتے خاص توجہ دتی تے اونوں ریاضی، فلکیات تے فزکس سکھائی۔ اوہ اک چنگا پڑھاکو سی تے اوہنوں استاد وی پسند کردے سن۔ ملر توں اوہنے انرجی دے بچاؤ دے قنون سکھے۔ اوہ سنگیت بنالیندا سی تے پیانو، وائلن، سیلو تے آرگن بڑے آر نال وجاندا سی۔ اوہ اوپرا تے گانے وی لخدا سی۔ پر فیر وی اونے سنگیت دی تھاں فزکس پڑن دا فیصلہ کیتا۔ اودے اک استاد فلپ فان جولی نے اوہنوں اے کیا جے فزکس چ ہر شے لبی جاچکی اے تے ایدے چ ہن کوئی نویں شے لبن جوگی نئیں۔ پلانک نے اے کیا جے اوہ کوئی نویں شے نیں لبنا چاندا اوہ فزکس دے مڈلے فنوناں نوں ای کھوجنا چاندا اے۔ اوسکر فان ملر، جرمن میوزیم دا موڈی وی اوہدے نال ای پڑھدا سی۔

                                     

1.3. جیون میونخ تے برلن وچ پڑھائی:1874-1879

1874 چ اوہ میونخ یونیورسٹی چ پڑن پے گیا۔ ایتھے اونے جولی نال صرف اک تجربہ کیتا: گرم کیتی ہوئی پلاٹینیم وچوں ہائیڈروجن دا لنگانا۔ ۔ ایس مگروں اوہ تھیوریٹیکل فزکس ول مڑ گیا۔ اوہ میونخ 3 سال پڑدا ریا۔ 1877 دی بسنت وچ اوہ اٹلی پہاڑاں تے چڑھن سنگیاں نال گیا۔1877 وچ اک سال لئی پڑن برلن ٹر گیا۔ ایتھے ہرمن فان ہیلمہولٹز، گستاف کرچوف، کارل ویرشٹراس اودے گرو سن۔ ہیلمہولٹز نال اودی گوڑی یاری ہوگئی۔ ایتھے اونے روڈلف کلاسیس دیاں لکھتاں دی آپ پڑھائی کیتی تے گرمی تھیوری دی پڑھائی نوں اپنا پڑھائی ویڑہ چن لیا۔ اونے 1878 چ ڈگری لے لئی۔ کج چر اونے اپنے میونخ دے سکول چ میتھمیٹکس تے فزکس پڑھائی۔

                                     

1.4. جیون میونخ تے کیل وچ لیکچرر:1880-1889

میکس پلانک نے جون 1880 چ اپنی تھیوری ایکویلبریم سٹیسٹس آف آئسوٹراپک باڈیز ایٹ ڈفرنٹ ٹیمریچرز Equilibrium states of isotropic bodies at different temperatures دتی۔ پلانک میونخ چ بنا پیسے لۓ استادی کیتی جدوں تک اونوں نوکری نا ملی۔ پہلے تے اونوں اکیڈیمک ٹولی چ کوئی پخھان ناں لبی پر اوہ گرمی تھیوری تے کم چ لگا ریا۔ اینوٹراپی تے کلازیس دے کم دے دوالے اودی سوچاں کم دیاں ریاں۔

اوہ اپریل 1885 چ کیل یونیورسٹی چ تھیوریٹیکل فزکس دا استاد لگ گیا۔ اینوٹراپی تے کم نوں ہور اگے ودایا۔ سوانتے ارہینیس، سویڈن دے اک سینسدان دے کم نوں اگے ودایا۔ چار وریاں دے اندر اونوں برلن یونیورسٹی چ کرچوف دی تھاں لب جاندا اے پر ایدے چ اودے پرانے استاد تے سنگی ہیلمہولٹز دا وی ہتھ سی۔ 1892 چ اوہ چ پورا پروفیسر بن جاندا اے۔ 1898 چ جرمن فزیکل سوسائیٹی دا صدر بن گیا۔ 1907 چ اونوں ویآنا چ پڑھان سدا آندا اے پر اوہ برلن ای ٹکیا ریا۔ 10 جنوری 1926 نوں اوہ رٹیر ہوجاندا اے۔

                                     

2. آئینسٹائن

1905 چ جدوں آئینسٹائن نے فزکس دے اک میگزین چ چھاپے تے پلانک نوں اک دم اوناں دی اہمیت دا اندازاہ ہوگیا۔ اوس ویلے آئینسٹائین ہلے گژنام سی اودی سپیشل تھیوری آف ریلیٹیوٹی نوں پلانک نے لوکاں چ عام کیتا۔ پلانک باجوں اے تھیوری جرمنی چ عام ہوئی۔ پلانک نیں آئینسٹائن دے ایس سوچ نوں ناں منیا ج چانن فوٹون ورگا وی ہوندا اے۔ 1910 دی سالوے کانفرنس چ آئنسٹائن ای چوگا ہویا جے ایس گل نوں منے۔ 1914 چ میکس پلانک نوں برلن یونورسٹی دا ڈین بنا دتا گیا تے ہن ایس جوگا سی جے آئینسٹائن لئی پروفیسری دا بندوبست کر سکے۔ دوویں گوڑے یار بن گۓ تے کٹھے موسیقی بجاندے سن۔ پہلی وڈی لڑائی چ اونے 93 سیانیاں دے اعلان تے دسخط کیتے۔ پہلی وڈی لڑائی مگروں

1907 چ اونوں ویانا چ بولتزمان دی جگہ دتی گئی پر اونے برلن چ رین دی خاطر اوہ ٹھکرا دتی۔ برلنچ اودے لیکچراں دا انگریزی چ ترمعہ کیتا گیا تے اوناں نوں کولمبیا یونیورسٹی نیویارک امریکہ چ پروفیسر ارنسٹ کیمٹن نے اپنے فزکس دے تجربیاں چ ورتیا۔

اوہ 10 جنوری 1926 چ برلن یونیورسٹی توں ریٹائیر ہوگۓ۔

                                     

2.1. آئینسٹائن ٹبر

میکس پلانک نے مارچ 1887 چ اپنی جمات دے اک سنگی دی بہن میری مرک نال ویاہ کر لیا اودے 4 بچے ایما کارل گرٹ تے ارون ہوۓ۔ برلن چ نوکری لبن تے اودا ٹبر برلن آگیا۔ اودا کعر دوجے پوفیسراں، گروواں تے سینسداناں دے کول سی۔ کئی جانے پچھانے سینسدان اودے کعر دا پھیرا لاندے ریندے سن جیناں چ آئینسٹائن وی ہے گا اے۔

                                     

3. کم

اونے کالی شے دی تابکاری دا مسئلہ حل کیتا جیڑا کے کئی دوجیاں آستے مسئلہ بنیا پیا سی۔ 1904 چ آینسٹائن نے اپنی ریلیٹوٹی دے تھویری دتی تے اونے سب توں پہلاں ایدی سچائی دسی تے اودے مشہوری دی وجہ توں اس تھیوری نوں مشہوری حاصل ہوئی۔ اس توں بعد اونے آئینسٹائن آستے نوکری دا بندوبست کیتا تے آئنسٹائین 1914 چ برلن آگیا تے اوہ دوویں بیلی بن گۓ۔

                                     

4. مرنا

پلانک دی بیوی 1922 چ مر گ‏ئی۔ اودا وڈا پتر 1916 چ جنگ چ ماریا گیا۔ اودیاں دوویں تیئاں وی مر گئیاں اودا نکا پتر ہٹلر نوں مارن دی کوشش چ پھڑیا گیا تے اونوں 1944 چ مار دتیا گیا اپنے پتر دے مرن تے اودا دل ٹٹ گیا تے اوہ 1947 چ مر گیا۔

کوپلے ٹکا
                                               

کوپلے ٹکا

کوپلے ٹکا اک ٹکا اے جیہڑا لندن دی رائل سوسائٹی ولوں سائنس دی کسے وی ونڈ چ ودیا کم کرن تے دتا جاندا اے۔ اے ہر ورے دتا جاندا اے تے اے 1731 توں دتا جاریا اے۔ اے ٹکا گوڈفرے کوپلے دے 100 پونڈ دے عطیے توں ٹریا۔ سٹیفن گرے پہلا بندا سی جینون اے ٹکا دتا گیا۔

ہانز کرسچن اورسٹڈ
                                               

ہانز کرسچن اورسٹڈ

ہانز کرسچن اورسٹڈ ڈینمارک دا سینسدان سی اونے 21 اپریل 1820 نوں اک لیکچر چ اے گل ویکھی جے قطب نما دی سو‏ئی مڑدی اے جدوں اودے کولوں کسے تار چوں بجلی لنگدی اے۔

Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →